"Hogeita lau urte bete dira dispertsio politika madarikatuaren ondorioz istripu latz hura gertatu zela, Asier eta Iñakiren bizia eroan zuena eta Irantzu larri zauritu zuena", adierazi zuten domeka eguerdian, "errekonozimenduagatik eta oroimenak bizirik iraun dezan" Karakaten antolatu zuten ekitaldian. Bertan, nabarmendu zuten bi herritarrek "euskararekin, berdintasunarekin, naturaren defentsan eta preso iheslari eta deportatuekin" izan zuten konpromezua eta "borrokan eta lanean" jarraitzeko asmoa adierazi zuten "azken errepresialiatua etxeratu arte".
Txalaparta, dantza eta bertsoak izan ziren oroimen ekitaldian eta azkenik, bertaratu ziren dozenaka herritarrek krabelinak laga zituzten duela urte batzuk bi herritarren oroimenez landatutako pagoaren oinetan.