Zapatua balitz bezala ospatu zuten ostiral gaua Errekalde eta Gipuzkoa Etorbideko jaietara gerturatu ziren herritarrek. Eguraldia gorabehera, inor ez zen plazatik mugitu eta musikaz blai amaitu zuten gaua: Konbo Itxaropenaren kontzertuari Kitziki talde elgoibartar-bergararraren erromeriak hartu zion lekukoa, eta kontzertuak amaitu ostean ere festak jarraitu zuen, karaoke eta guzti, 06:30 ingurura arte.
Antolatzaileek oso positiboki baloratu dute jaien lehen eguna eta herritarren harrera nabarmendu dute: "Bost ogi bakarrik geratu zitzaizkigun soberan txosnan, momentu batean egundoko ekaitza egin zuen arren".