Azken bost urteotan, Correosek Soraluzen aplikatzen duen bigarren murrizketa da. Lehenago, zapatuetan ere bulegoa zabalik izaten zen, 09:30etik 13:00ak arte, baina pandemiaren ondoren, zapatuetan ere ixten hasi ziren, bai Soraluzen eta baita inguruetako udalerrietan ere.
Zerbitzua murriztuko du Correosek urtarrilaren 2tik aurrera
Barikuan, urtarrilaren 2an, ordutegi berriarekin abiatuko du 2026a Soraluzeko Correosek: 09:30etik 14:00ak arte egongo da arreta zerbitzua zabalik. Bestela esanda, ordu eta erdiz murriztuko du zerbitzua, orain arte 08:30etik 14:30ak artekoa eskaini baitu. Horrez aparte, pertsona bakarra geratuko da arreta eskaintzen bulegoan, gainerakoak ondoko udalerrietako bulegoetara bideratuko dituzte.