Baltegietako lanak ez dira astelehenera arte hasiko

Udalak ohar bidez jakinarazi duenez, gaur, eguena, hastekoak ziren Baltegietako obrak ez dira astelehenera arte hasiko. Udalak bere webgunean ohartarazi duen moduan, azken orduko notizia da. Obra-buru Alvaro Garciak Barrena.eus atariari esplikatu dionez, hona etortzekoa zen lan-kuadrilak ez ditu beste obra bateko lanak bukatu, eta, "bestelako eragozpenik" ez bada, astelehenean hasiko dira Soraluzen.