Atzo, domeka, 0-12 urte bitarteko 70 bat umek parte hartu zuen Euskal Aratosteen inguruko tailerretan. Kultur Guneko eta kiroldegiko hainbat aretotan antolatu zituzten txokoak eta 11:00etatik 13:00ak bitartean, dantza tailerra, hanka-palo tailerra eta apainketa tailerra egin zituzten, batetik bestera txandakatuz. Argazkiak: Euskal Aratosteak lantaldea eta U.M.
Atzoko tailerretan, Kukumixoko gazteak, Atxolin Guraso Elkarteko kideak, Pil-pilean Euskaltzaleen Elkartekoak, Udalekoak, Urrats Dantza Taldekoak eta Diadar taldeko txistulariak izan ziren dinamizatzaile, eta, lantaldeko kideek azpimarratu zutenez, “giro onean” joan zen topaketa. Euskal Aratosteak lantaldeak antolatu zuen ekimena.