Gaur lanak hasita, Udalak jakinarazi du ezingo dela Baltegieta 18ko eta 24ko garaje pribaturik erabili hilabete inguruz. Dena den, azken fasean, garaje pribatuen aurreko kale zatiak lehentasuna izango du eta bertan hasiko dira galtzada-harria jartzen, pasabidea ahalik eta lasterren libratzeko.
Era berean, lanok eragiten ari diren eragozpenen jakitun, SAPAko aterpea aparkaleku gisa egokitu da eta erabilgarri egongo da lanak amaitu bitartean.
Horretaz gain, Gabolatseko zubia ere ibilgailuentzako itxita dago gaurtik, ez, ordea, oinezkoendako. Halaber, lanek iraun bitartean, SAPAko aterpetik igarobidea izango dute oinezkoek.