Joan den astean segituan antzeman zen Porrotx eta Marimototsen Amazonia gara ikuskizunerako interes handia zegoela.
Astelehenean jarri zituzten sarrerak salgai, Udal Liburutegian, aurrez aurre erosteko. Soraluzen zein inguruko herrietan interes handia duen ikuskizuna izaki, modu horretara, Udalak lehentasuna eman nahi izan zien herritarrei sarrera eskuratzeko orduan. Eta 159 sarrera saldu zituzten bertan.
Atzo, berriz, gainerako 25 sarrerak online bidez eskuratzeko aukera eman zen eta atzo bertan saldu ziren sarrera guztiak.
Hortaz, beteta egongo da barikuan Herri Antzokia. 17:00etan hasiko da Amazonia gara ikuskizuna eta 60 bat minutu iraungo ditu.