Hain zuzen, Baltegietako garajeetako hainbat jabe ez daude oso pozik egoerarekin. Gogora ekarri dute SAPAko aterpea, berez, garajedunek erabiltzeko lagata duela Udalak, baina diote hori ez dela errespetatzen.
“Baltegietako garajeetan 90 ibilgailu pasa daude, eta SAPAn bakarrik kabitzen dira 30 pasa. Dena den, bertan aparkatu ahalko bagenu… baina hori ere ezin dugu egin, ze edozein ari da bertan aparkatzen”.
Horren ondorioz, Baltegieta 18-24ko garajedunak euren ibilgailuak aparkatzeko leku faltan dabiltza egunotan eta inguruko aparkalekuetan ere igartzen ari da hori.