Apenas lau ordu barru bukatuko da mozorro lehiaketako Barrena.eus/soraluze atariko bozketa, herritarren bozketa, eta, aurten, datu deigarriak ari da lagatzen.
Izan ere, azken urteotan 100-200 botoren artean eskuratu dituzte mozorro bozkatuenek, eta, aurten, berriz, badira bi talde 400era ailegatzeko puntuan daudenak: Astorautak 388 botorekin eta Julio Cesar eta Cleopatra 364 botorekin.
Haien atzetik datoz beste lau talde, laurak ere 200 botoetatik gertu: Azken afaria, 188 botorekin, Iraultzaileak 170 botorekin, Jesusaren jaiotza 167 botorekin eta Isa eta Charles Plaentxin 162 botorekin.
Barrena.eus/soraluze atariko bozketan boto gehien eskuratzen dituen taldeak 150 euroko saria eskuratuko du.
Lau sari
Hain justu, gaur, 20:00etan egingo du Soraluzeko Udalak mozorro lehiaketako sari banaketa Plaza Zaharrean. Honako sariak daude. Emaitza hemen jakinaraziko da, gaur bertan.
- 1. Sailkatua: 300 euro.
- 2. Sailkatua: 200 euro.
- 3. Sailkatua: 100 euro.
- Bozkatuena: 150 euro.
Epaimahaiak honako ezaugarri hauek hartuko ditu kontutan saria emateko orduan:
- Interpretazioa: kalean zehar, mozorroari lotuta egindako jarduna, imitazioa eta antzerkia oinarri duena.
- Eszenografia eta atrezzoa: norbanakoek jazten duten mozorroarekin batera erabilitako osagarriak eta eszenara ateratzeko baliabideen lanketa.
- Originaltasuna: mozorroa aukeratzerako orduan, mozorroen eraikuntzan… erakutsitako originaltasuna.
- Janzkera: mozorroak ezaugarritzeko aukeratutako materialak, eskuz egina izatea, etab.