Bizpahiru astez, geldi egon da Plaza Zaharrean ibaira begira eraikitzen ari diren harmailen obra. Pareta bat topatu zuten lurrak tapatuta, eta, protokoloari jarraiki, obrak gelditu eta Gipuzkoako Foru Aldundian eman zuten haren berri.
Babestuta egongo da
Asteon, Diputazioak bidalita, Arkeolan enpresako aditua izan da bertatik bertara pareta ikusten eta aztertzen. Hark esan zuzenez, oraingoz, ez dute nahikoa informazio pareta hura zerena zen edo zertarako eraiki zuten jakiteko. Halaber, paretaren mostra bat –ikatza- hartu zuten, analizatu eta sikiera, noizkoa den jakiteko.
Edozein modutan, udalerriaren erdigune osoa moduan, esparru hori ere babestuta dago, beraz, pareta ere babestuta geratuko da, eta, obrek aurrera egin badezakete ere -Udalak jaso du Diputazioaren ebazpena horretarako-, pareta ez dute eraitsiko eta bere horretan gordeko dute.
Paretaren funtzioari dagokionez, berriz, ibaiaren kontingentzia-hormaren zati bat dela, antzinako kanalizazioren bat, bertan zegoen eraikinen baten pareta arrastoa… Udalean ez dakite zer zen. Uste dute datazioa argitzean, noizkoa den jakinda, akaso argitu ahalko litzatekeela hori.