Egunotan, askoren arreta piztu du Errekaldeko zubiaren kolore berriak, gorri-gorria. Joan den astean hasi ziren margotzen eta bihar, martitzena, segituko dute. Arkaitz Arana udal brigadako arduradunak esan duenez, bi kapa margo emango dizkiote zubiari, baina biak gorriak. Zehazki, Gorri Malaga du izena koloreak, Ekain enpresako dekoratzaileek aholkatuta margotuko dute kolore horrekin.
Aranak esplikatutakoaren arabera, iparrak jotzen du zubi hartan, ibai ondoan dago, eta, segituan zikintzen da. Kolore gorria oraingoa baino sufrituagoa da. Horrexegatik aldaketa.
Kolore berria ikusita, erdiguneko hiru zubiekin Ikurrinaren koloreak egiten direla esan duenik ere bada, Gabolatsekoa “berdea”, Zubi Nagusia zuri-grisa eta Errekaldekoa gorria.