Euskadiko Odol Emaileen informazioaren arabera, O-, A-, B- eta AB- moten premia dago batik bat eta lehenbailehen emateko eskatu dute. Horrez gain, O+ eta A+ erreserbak ere baxu daude.
Zeinek eman dezake
Odola eman dezakete 18 eta 70 urte bitarteko bizilagunek (65 urte, lehenengo aldiz balitz), 50 kg. baino gehiago pisatzen dutenek eta osasuntsu daudenek.
Emakumeek, urtean, hiru aldiz eman dezakete odola eta gizonek lau aldiz.
Odol emate batetik bestera, gutxienez, bi hilabeteko tartea izan behar da.
Bestalde, odola eman aurretik, emaileen zein jasotzaileen segurtasuna bermatzeko, osasun elkarrizketa egiten dute, eta, emailearen tentsioa zein hemoglobina maila begiratzen dute.