Barikuko ateratzera joan ziren lau berri horien artean, elkartasun keinu zuzen bat izan zela kontatu dute Soraluzeko Odol Emaileen Elkartetik. Izan ere, herrikide batek lehen aldiz eman zuen odola ikusita kuadrillako batek, minbizia duena, odola behar duela. Urtarrilean kuadrilla bereko beste bi lagun ere izan ziren odola ematen.
Oro har, Soraluzeko elkarteak esker ona eman nahi diete bertaratu ziren guztiei eta gogora ekarri dute maiatzaren 22an dela hurrengo hitzordua.
%5,20 da bakarrik odol-emaile
Bestalde, aipatutako 200eko helburuaren harira, gogoan izan horixe dela Debarroko Odol Emaileen elkarteak Soraluzeri jarri dion 2026ko erronka, aurten 200 poltsa eskuratzea.
Izan ere, eskualdeko elkartetik gogora ekarri dutenez, bakarrik Debarroko bizilagunen %5,20 da odol-emaile. Aldiz, odol beharra handia da, datuek erakusten duten moduan: "Lau herritarretik hiruk bizitzan noizbait odola beharko dute. Egunero dago odol beharra: minbizi-tratamenduetarako, istripuetarako, transplanteetarako… Horretarako, beharrezkoa da odol erreserbak izatea. Odola jasotzeko eskubidea denok badugu, ehuneko hori ez al genuke igo beharko denon artean?”, galdegin zuten iazko balorazioa egitean.