Aurten, berritasunekin dator Futbito Txapelketa. Batetik, orain arteko antolatzaileek laga egin dute eta berriek hartu dute gidaritza. Halaber, aldaketa horrek beste bat ere ekarri du: orain arte jokatzen ziren Liga eta Kopa barik, aurten ligaxka bakarra izango da.
Izena eman duten hamalau ekipoak zazpiko bi multzotan banatu, eta zazpi jardunalditan elkarren kontra jokatuko dute. Gero, ekipo bakoitzaren sailkapenaren arabera, multzo bien arteko lehiak izango dira final zortzirenetatik aurrera.
Lehen postuak erabakitzeko partiduak, berriz, jaietako txupinazo egunean jokatuko dituzte: txupinazoaren aurretik, hirugarren eta laugarren postuak erabakitzeko partidua; eta txupinazoaren ondoren, lehenengoaren eta bigarrengoaren artean erabakitzekoa.
Ekipoak
Honako taldeek lehiatuko dute:
A taldea:
- Kastakuak
- Manchester Pity
- Eibartarrak
- Salabardo
- Goenetxetxo Prime
- Marokoarrak Gara
- LTC
B Taldea
- Los Chamacos
- LMA
- Balsiqueños
- Fatal Tigers
- Nothingan Miedo
- Jubiletak
- El Rincon