Atzo, domeka, gomazko paletako itzulerako kanporaketan, Soraluzeko Pilota Elkarteko palariek irabazi egin zituzten banakako partiduak eta galdu, berriz, binakakoa. Azken horren kasuan, Hernanitik, Rekondo-Manterola eta Soraluzetik Gisasola-Rascon bikoteek jokatu zuten. 20-15 galdu zuten Soraluzekoek.
Kantxa guztiko banakako partiduan, berriz, Julen Gallastegik irabazi egin zuen Oier Apaolazaren kontrakoa, 20-11. Eta, azkenaik, zazpiaren barruko banakako partidua Aitor Atxotegik poltsikoratu zuen, Alain Agirreri 20-10 irabazi ondoren.
Hori horrela, markagailu totala izan zen 4-2 Soraluzeren alde, eta, horri esker, final zortzirenetara sailkatu dira etxeko pilotariak. Datorren asteburuan, maiatzaren 17an jokatuko dituzte Zumaiako ordezkarien kontrako kanporaketako joaneko partiduak, Zumaian.