Costa Bravako bidaiaren ondoren, ekainerako beste bi ekitaldi iragarri dituzte Itxaropena Erretiratuen Elkartean.
Batetik, datorren eguaztenean, hitzaldia izango da elkartean. Vidas Ejemplares izenburua du eta Juan Carlos Astiazaran izango da hizlaria. Iragarritakoaren arabera, Soraluzeko hainbat gaizkile eta gaiztakeria izango ditu hizpide. 17:00etan hasiko da, elkarteko liburutegian, eta gaztelaniaz izango da.
Egun osoko irteera
Bestetik, ekainaren 17an, Loizaga Dorrera txangoa egingo dute. 09:30ean Estaziñotik irtn eta Loizaga Dorreko txakolindegian hamarretakoa egingo dute. 12:00etan, berriz, bisita gidatua izango da dorrera, eta 14:30ean, Balmasedako Igerilekuak Jatetxean bazkalduko dute. Izen-ematea ekainaren 11ra arte izango da zabalik. 50 euro da prezioa.