Txerri-masail lehiaketari dagokionez, hura antolatzeko ideia Gipuzkoako erretiratu eta pentsiodunen Agijupens elkartetik dator.
Elkarte horrek Gipuzkoa mailan egin behar du txerri-masail lehiaketa, eta aukera dago eskualdeka parte hartzeko. Debabarreneko gainerako herrietan ere jendea apuntatzen bada, beste kanporaketa bat egingo dute, eta hura irabazten duena Arrasaten jokatuko den lurralde mailako finalera joango da, irailean.
Soraluzen izen-ematea betetzen bada, ekimenari buruzko zehaztasunak lotzen eta jakinarazten joango dira.
Bestetik, Itxaropena Erretiratuen Elkartetik jakinarazi dute Loizaga Dorrea bisitatzera joateko bigarren autobusa osatzeko gutxieneko kopurua ere osatu dela, eta beraz, ekainaren 17an bi autobus joango direla Soraluzetik hara.
Azkenik, kontatu dute atzo, eguena, Hernanin egon zela Soraluzeko elkarteko ordezkaritza, han gauzatu zen Gipuzkoako Erretiratuen Martxa Topaketan parte hartzen.