Ohartarazi dutenez, danborradan barrila zein danborra joko dutenek derrigorrez joan beharko dute entseguetara; gutxienez, hiru entsegutara eta entsegu orokorrera bai, behintzat.
Entsegu orokorrari dagokionez, berriz, uztailaren 21ean izango da, 19:30ean, hura ere frontoi zaharrean. Eta danborradak berak uztailaren 25ean desfilatuko du, 22:00etan hasita.
Oraindik bada lekua
Aste honetan helarazitako datuen arabera, momentuz, 162 lagunek eman dute danborradarako izena –bandako musikariak kontatu barik–.
Danbor eta barril-jole konpainiak beteta daude; berehala bete ziren haiek. Dena den, oraindik bada lekua danborradan parte hartzeko, gremioen konpainietan desfilatzeko.
Horretan parte hartzeko interesa duenak mezua idatzi behar du honako helbide elektroniko honetara: soraluzekodanborrada@gmail.com.