Eguenean, BizikaleFest azokan honako saltokien produktuak izango dira: RKL ile-apaindegia, Mabel ile-apaindegia, Kooperatiba, Autoservicio Amparo saltokia, Iratxo goxo-denda, Belarrak eta Triskel belar-dendak, Okelia eta Iñarra harategiak eta Todo a 100 saltokia.
Dendariek euren saltokiak eta eskaintzak izateaz aparte, arratsaldean. hiru saltokik erakustaldiak egingo dituzte, "tokiko profesionalen inspirazioa eta aholku praktikoak ezagutzeko zuzeneko erakustaldiak": 17:30etik18:30era, RKL ile-apaindegiak; 18:30etik 19:00etara, Belarrak loradendak eta 19:00etatik 20:00etara, Mabel ile-apaindegiak.
Jatekoa eta zozketa
Azoka borobiltzeko, jatekoa eta bonu-zozketa ere izango dira arratsalde partean.
Jatekoari dagokionez, Okelia eta Iñarra harategiak arduratuko dira horretaz. Esandakoaren arabera, harakin bakoitzak bina pintxo berezi prestatuko ditu azokan izango den plantxa-sukaldetxoan, eta pintxo horiek erosteko aukera izango da. 18:00etan hasi eta 20:00ak arte izango da horretarako aukera.
Bonu-zozketari dagokionez, berriz, azokan erosten duten erosleei partaidetza emango diete 100 euroko bonu baten zozketan parte hartzeko. Zozketa azoka amaitutakoan egingo dute eta irabazleari telefonoz jakinaraziko diote saridun izan dela.