Frontoi zaharraren babespean egingo dute ikasturte amaierako kontzertua bihar; hartara, euria izan ala ez, leku berean izango da. Ohi denez, jarlekuak ere ipiniko dituzte frontoia beteko duten entzuleendako.
18:30ean hasiko da eta denetariko saioak izango dira ikusgai, Konbo Itxaropena moduko beteranoenak zein Deabru Gorriak edo Leia moduko gazteenak. Eta ikuskizuna amaitzeko, aurtengo ipuin musikatuan, Anabasa Pentagramaenean ipuinean batera taularatu zuten Dap Dap abestia ere joko dute.