Gaur, 22:30ean, musikarekin eta dantzarekin hasiko da Udate Gaueko ospakizuna, Plaza Berrixan izango baitira txistulariak, txalapartariak, bertsolariak eta abesbatzako kideak nork bere aletxoa jartzen udari ongi-etorria egiteko ohiturazko festan.
Haien saioen ondoren, su txikia piztuko da, Agurra egingo diote dantzariek eta baita sorgin dantza ere; segidan, hitz magikoak esan, txar denak sutara bota eta suaren gainetik salto egiten hasi baino lehen, edabe magikoa partituko dute bertaratutakoen artean.
Udate gauaren aurretik, berriz, 19:00etatik 22:00ak arte, ikasbidaiako ikasleek eta gurasoek jan-edana erosteko aukera emango dute.