Finalaurreko lehen partiduan Jurgi Rasconek eta Joseba Gallastegik 22 eta 13 irabazi zieten Iokin Arrillaga eta Rober Gomezi (bergararra). Bigarren partiduan, berriz, Iosu Unanue eta Argoitz Ariznabarreta 22 eta 9 gailendu zitzaizkien Hodei Tajuelo eta Jokin Aranbururi (ermuarra).
Hortaz, bi bikote beteranoek jokatuko dute XXV. edizioko finala uztailaren 13an, zapatuan, San Andresen, bertako jaien lehen egunean, azken urteotan ohikoa den moduan. Aurretik, gaur, zapatua, txapelketaren hogeitabosgarren urteurreneko bazkaria egingo dute herriguneko frontoi zaharrean. Antolatzaileek jakinarazi dutenez, ehun herritarrek eman dute izena gaurko bazkarirako.