Esplikatu dutenez, azken negoziazio mahaian ez zen proposamen berririk egon patronalaren aldetik, eta, ELA sindikatuak jakinarazi du ez duela mugimendu berririk egingo harik eta eskaintza berririk edo aldaketarik jaso arte.
Halaber, Gipuzkoako Diputazioari buruz, jakinarazi dute haiekin elkartu direla eta “argi eta garbi” esan dietela “beraien garaia” dela, tokatzen zaiela patronalarekin eta langileen ordezkariekin “elkartu edo gutxienez interlokuzio bat edukitzea, eta interlokuzio horretan diru gehiago jartzea benetan hitzarmen hau negoziatu eta hitzarmen horretan bertako edukiak egon ahal izateko”.
Espero dute kasu egitea, eta, iragarri dute bitartean mobilizazioekin segituko dutela. Bihar, eguena, Donostian manifestazioa egingo dute Bulebarretik abiatuta 10:30ean eta etzi, Ordizian egin dute hitzordua, 11:00etan udaletxetik hasita.