Mezetan, Joseba Gonzalez parrokoak amatasuna eta Ama Birjinaren izaera goraipatu ditu sermoietan. Amaitu, berriz, Ezoziko Ama kantarekin amaitu dute meza bertan izan diren eliztarrek. Mezaren ostean, berriz, elkar agurtzeko eta elkarren berri partekatzeko aprobetxatu dute tertulia momentua.
Gaurko egunez, Ama Birjinaren Jaiotza egunez Ezoziko santutegian meza esaten den lehen aldia izan da aspaldiko urteetan, edo akaso, lehenengo aldia izan liteke, ze auzotarrek ez zuten gogoan sekula esan denik ere. Horrez aparte, Ezoziko ermitan herritarrei zuzendutako meza esan den aspaldiko aldia ere izan da gaurkoa, meza ostean komentatu dutenez, azkeneko aldiz auzoko jaietan eman zuten meza, baina azken urteotan ezta jaietan ere.