Lurdes Txurruka 1994an atxilotu zuten, Ertzaintzarekin izandako tiroketa baten ondoren. Tiroketa hartan, Lurdes Txurruka larriki zauritu eta Angel Irazabalbeitia soraluzetarra hil egin zen.
Lurdes Txurruka kartzelaratu egin zuten, besteak beste, ETAko kide izatea leporatuta, eta 21 urte eman zituen preso. Parot doktrina ezarri zioten Txurrukari, baina Europako Giza Eskubideen Auzitegiak neurria bertan behera utzi eta zigor kontaketa egin ondoren, 2015eko martxoaren 24an aske laga zuten.