Gisatu bazkarirako izen-ematea betetzeaz aparte, hainbat lagun itxarote-zerrendan daude, izena emandakoen artean bajaren bat balego haren lekua aprobetxatzeko.
Gisatu bazkaria urriaren 30ean egingo dute. Lehenago gauzatuko den gisatu lehiaketaren emaitzarekin onduko dute jatordua. Lehiaketa goizean egingo dute, elkarteko terrazan. Eta bazkarirako sarrera, berriz, 13:30ean zabalduko dute.
Lodosara txangoa
Bestalde, datorren eguaztenean, urriak 14, Lodosara egingo duten txango-proposamenak ere erabateko arrakasta izan du, bi autobus joango baitira. Zuzendaritzatik esan dutenez, bigarren autobusean, momentuz, 38 lagunek eman dute izena, eta, lekua dago libre. Gaur, 11:00etatik 12:00ak bitartean zabalduko dute bulegoa, eta, bertan eman daiteke izena.