Gaurko bingoan, egoiliarrak lagun izan dituzte zenbait herritar, senide eta Itxaropena Erretiratuen Elkarteko zenbait kide. Sari eta guzti prestatu eta adi-adi ibili dira guztiak boletan azaltzen ziren zenbakiak entzuten, zeinek linea egin, zeinek bingoa kantatu.
Biharko Atxia Motxia topaketari dagokionez, berriz, Soraluzeko Udalak azaldu duenez, "belaunaldi arteko harremanak sustatzea eta Soraluzeko garai bateko jolas zein abestien transmisioa egitea” da helburua.
Hala, Plaentxi Eskolako umeak, Mesedeetako Egoitzako egoiliarrak, eguneko zentroko erabiltzaileak eta pentsiodunen mugimenduko partaideak elkartuko dira. 10:00etan egin dute hitzordua eta herriko hainbat txokotan -elizpean, frontoian, plazan…- taldeak eratu eta garai bateko jolas tradizionaletan ibiliko dira. Txokolate-janarekin eta Plazentzia Kantuan taldekoen saioarekin borobilduko dute goiza.