Dagoeneko jendea hasi da kanposantura joan eta senideen hilobiak zein kolunbarioak garbitzen eta txukuntzen; loreak, landareak eta bestelako apaingarriak ere jarri dituzte edo jarriko dizkiete ondoren.
Edozelan ere, atzoko -eguena- argazkietan ikusten denez, oraindik bisitari asko falta ditu kanposantuak. Azken momentura arte itxarotea nahiago dute askok, haizeak, euriak edo esku luzeek zapuztu ez ditzaten ipinitako apaingarriak. Horri gehitu behar zaio hildakoak kanposantuan hilobiratzeko ohitura asko makaldu dela urteotan, eta horrek ere eragiten duela apaingarrien gutxitze horretan.