Aurten, Berbalagunen joskintza tailerreko kideak izango dira Mallabiko Andra Mari jaiei hasiera ematearen arduradunak. Hiru egunez, musika eskaintza zabala egongo da, kale animazioekin, bertso-saio musikatuarekin eta Olatz Salvadorren kontzertuarekin; herritarrak lehia betean murgilduko dira karta-jokoetan, herri-kiroletan, pilotan, eta paella eta marmitako lehiaketetan; eta ume zein nagusientzako jolasek eta dastaketek borobilduko dute egitaraua.