Kalean Kantuzeko kideek azaldu dutenez, bi taldeak erromerian elkarrekin ariko diren hirugarren urtea izango da. "Lehendik ere bagenuen Eingo taldearen berri, eta hartu-emanean jartzea erabaki genuen. Eta, egia esan, oso gustura ibili ginen denok Deban izan ziren lehen aldian; harrezkero, urtero etortzen dira".
Bada, aurreko urteetako ildo beretik, herria dantzan eta kantuan jartzeko helburuarekin prestatu dute igandeko saioa ere. Euskal Herriko kantu herrikoiak izango dira nagusi kantutegian, eta herritarrei erromerian parte hartzeko dei egin diete.