'Asteazken akustikoak' egitasmoari hasiera emango dio gaur Debako Gazte Asanbladak

Alex Turrillas Gonzalez 2026ko uztailaren 1a
Deskargatu Info Ahotsak :
Español English Français Català Galego

Debako Gazte Asanbladak zabaldu du Asteazken akustikoak egitasmoko aurtengo programazioa. Lehen emanaldia gaur, uztailaren 1ean, izango da, 20:00etan, Arramazka Debako boskotearen kontzertuarekin. Emanaldiarekin batera, pintxo-potea ere izango da.

Kontzertuak doakoak izango dira eta uztaileko asteazken guztietan egingo dira, uztailaren 15ean izan ezik. Eguraldi ona egiten badu, Gaztetxearen kanpoaldean izango dira; euria eginez gero, berriz, barruan egingo dituzte.

Programazioa:

  • Uztailak 1: Arramazka 
  • Uztailak 8: Blues Tailerra
  • Uztailak 22: Iruzta
  • Uztailak 29: Lauterdi

Kultura Deba