Guztira, hamalau kartel aurkeztu dituzte aurtengo lehiaketara, eta horietatik lau pasatu dira azken bozketa fasera: Polainero, Festa erraldoia, Deba prest, ondo pasa eta Zezen dantza. Herritar bakoitzak kartel bakarraren alde bozkatu ahal izango du, eta boto gehien jasotzen dituen lana izango da abuztuaren 14tik 18ra ospatuko diren jaietako irudi ofiziala. Irabazleak 500 euroko saria jasoko du. Saritu gabeko lanak, berriz, uztailaren 11tik aurrera jaso ahal izango dira, hilabetea amaitu aurretik, udaletxeko harrera bulegoan.
Asteburuko ordutegia
Udalak azaldu duenez, herritarrek modu presentzialean soilik parte har dezakete. Bihar, Turismo Bulegoa 10:00etatik 14:00etara eta 15:00etatik 19:00etara egongo da zabalik; igandean, aldiz, 10:00etatik 14:00etara.