Idotorben jokatu zuten txapelketako estreinako jardunaldian 70 bolari lehiatu ziren, eta Floreaga taldeko Gorka etxaniz azkoitiarra gailendu zen. Hiru jaurtialditan sei txirlo bota zituen Etxanizek. Eibarko Asola Berri taldeko hiru kide sailkatu ziren Etxanizen atzetik, hirurak bost txirlo botata: Arkaitz Rodriguez sailkatu zen bigarren postuan, Enara Montiel hirugarrengoan, eta Alex Campos laugarrengoan. San Migel taldeko Xabier Loiola elgoibartarrarentzat izan zen bosgarren postua, lau txirlorekin. Seigarrengoan Ganix Rodriguez (Asola Berri) eibartarra sailkatu zen.
Bigarren jardunaldia martxoaren 14an jokatuko dute Leintz-Gatzagako bolatokian (17:00). Gipuzkoako txapelketak hamar jardunaldi izango ditu aurten eta, eta erdiak jokatuko dituzte Debabarreneko bolatokietan.
Iazkoan, Jon Aransolo markinarrak jantzi zuen Gipuzkoako Hiru Txirlo lehiaketako txapela.
Idotorbeko tiraldiko lehen sei sailkatuak, irudi-bilduman: (argazkiak: Gipuzkoako Hirutxirlo Federazioa)