Familia osoari zuzendutako emanaldiak izango dira, eta bi egunetan saio bana eskainiko dute Ondarbeltzeko aparkalekuan, 18:00etan hasita. Zirkuko arduradunek jakinarazi dutenez, ez da aurrez sarrerarik salduko; ikuskizuna hasi baino ordu erdi lehenago eskuratu ahal izango dira leihatilan bertan. Umeentzako sarrerak 8 euroan izango dira salgai, eta helduenak, berriz, 10 euroan.
Zirkuaren etorrera iragartzeko kartelak herriko hainbat gunetan itsatsi dituzte egunotan, eta kartel batzuetan Danobateko aparkalekua jartzen bazen ere, azkenean Ondarbeltz hondartzaren alboan dagoen aparkalekuan altxatu dute zirkuko karpa. Azken orduetan egin dituzte muntaketa lanak, eta dagoeneko prest dute espazioa lehen emanaldiari hasiera emateko.
.