Bi agenteak beren kabuz irten dira ibilgailutik, baina, osasun egoera egiaztatzeko, Mendaroko Ospitalera eraman dituzte. Segurtasun Sailak jakinarazi duenez, gaur goizean bertan alta eman diete biei.
Istripua goizaldeko 01:20 aldera gertatu da, Segurtasun Sailak emandako datuen arabera. Oraindik ikertzen ari diren arrazoiengatik, patruila-autoa galtzadatik atera da Itziarko industrialdean, eta ezpondatik behera erori da.