Debako Burdin Kurutz Mendi Taldeak, Mutrikuko Burumendi Mendizale Elkarteak, Ondarroako Aurrera Mendi Taldeak eta Markina-Xemeingo Artibai Mendigoizale Taldeak irteera bateratua antolatu dute iganderako (urriak 18); Genevillatik abiatu eta Santikurutze Kanpezurainoko ibilbidea egingo dute, Ioar menditik (1.417 m) igarota.
Guztira, 16 kilometroko ibilbidea egitea proposatu dute antolatzaileek, 5 bat orduan egiteko bezalakoa. Jakinarazi dutenez, mendizaleek 932 metroko desnibel positiboa eta 981 metroko desnibel negatiboa gainditu beharko dituzte.
Bertan parte hartzeko interesa dutenek burdinkurutz@gmail.com posta elektronikora idatzita eman dezakete izena; horretarako azken eguna bihar (urriak 15) da. Beti bezala, autobus zerbitzua ere egongo da; igandean 07:00etan abiatuko da autobusa Debako geralekutik eta, ondoren, Mutrikun, Ondarroan eta Markina-Xemeinen ere egingo ditu geldialdiak.