Elgoibarko Izarrak, Udalarekin lankidetzan antolatuta, barikuan izango da aurtengo Eguberrietako bertso saioa. Sarreren prezioa 13 eurokoa da (Elgoibarko Izarrako bazkideentzat 11 euro). Aurre salmenta gaur itxiko dute antolatzaileek, baina jakinarazi dute Herriko Antzokian bertan ere sarrerak erosteko aukera egongo dela saioaren egunean bertan. 20:00etan izango da emanaldia.
- Aurtengo bertsolariak hauek izango dira: Maialen Lujanbio, Unai Iturriaga, Alaia Martin, Miren Artetxe eta Eneko Lazkoz; eta gai-jartzaile lanak Maite Berriozabalek egingo ditu.
