Eusko Jaurlaritzak 858.711,29 euroko aurrekontuarekin (BEZ barne) atera ditu lizitaziora eraiste-lanak. Urtarrilaren 23an argitaratu zituzten deialdiaren oinarriak.
Osakidetzatik jakinarazi zutenez, 2026ko lehen hiruhilekoan hasiko dituzte Elgoibarko anbulatorio berria izango dena eraikitzeko lanak. Zehazki, lanak "2026ko martxoan" hasiko dituztela jakinarazi zuten, Merkatu plazako egungo eraikina eraitsi eta gero. Eusko Jaurlaritzako Osasun Sailak eta Osakidetzak 7 milioi euro inguru inbertituko dituzte (6.831.349,23 euro), eta ondo bidean, 26 hilabeteko epean amaituko dituzte lanak. Osakidetzak Atxurra Zelaieta Arquitectos S.L.P. eta Bear Arquitectos S.C.P. enpresek osatutako ABEEari esleitu zion eraikin berriaren proiektua idazteko lana.
Merkatu plaza dagoen tokian eraikiko dute zentro berria, 400 metro koadroko lursailean. Eraikinak sei solairu izango ditu, eta 2.251 metro karratu baino gehiagoko azalera. Esan dutenaren arabera, egungo anbulatorioaren bikoitza izango da. Elgoibarko, Mendaroko eta Soraluzeko 18.000 biztanle inguru hartuko ditu bere gain, eta gaur egun baino zerbitzu gehiago eskainiko dituzte bertan.
∞Lotura duten albisteak:
- Merkatu plazako azken saltzailearen agurra (2026-01-14)
- 2026ko lehen hiruhilekoan hasiko dituzte anbulatorio berria egiteko lanak (2025-11-12)
- Osasun Zentro berria izango denaren lehen irudiak erakutsi ditu Udalak (2024-06-06)
- Osakidetzak lizitaziora atera du Elgoibarko osasun zentro berriaren proiektuaren idazketa (2024-02-23)
- Anbulatorio berria eraikitzeko lankidetza hitzarmena sinatu dute Elgoibarko Udalak eta Osasun Sailak (2023-09-28)
- Merkatu Plaza dagoen lekuan eraikiko du Osakidetzak Elgoibarko osasun zentro berria (2023-03-22)
- Elgoibarren anbulatorio berria egiteko proiektua martxan jarriko duela jakinarazi du Jaurlaritzak (2022-09-23)