Iberdrolaren sare elektrikoari lotuta dagoen Transformazio Elektrikotako Zentroa San Frantziskoko iturriaren atzealdera lekualdatuko dute. Lurrazpian ipiniko dute, Aita Agirre eraikina berritzean hango transformadorearekin egin zuten modu berean, hura Aita Agirre plazan baitago lurperatuta. Elgoibarko Udalak egingo ditu lan horiek, eta apirila eta maiatza bitartean amaitzea aurreikusten dute.
Lanok amaitzean hasi ahal izango dituzte Osasun Zentro berria eraikitzen. Dagoeneko atera dituzte lanak lizitaziora. Eraikina eraitsiko dute aurrena, anbulatorio berriko obrak hasteko. Udal agintariek jakinarazi dutenez, lanok "irailean edo urriran" hasiko dituzte. Eraikuntza lan horiek, baina, Osakidetzak gauzatuko ditu.
