Eskola Agenda 2030 programaren barruan egin dute ekimena, eta helburua da ikasleen eta familien artean kontsumo arduratsua, berrerabilpena, ekonomia zirkularra eta halako balioak sustatzea. Debegesa Debabarreneko garapen-agentziak hogei urte daramatza eskualdeko udalekin elkarlanean Eskola Agenda 2030 proiektua bultzatu eta koordinatzen.
Izaera solidarioa
Ekitaldiak izaera solidarioa izan du: bildutako dirua Nuala elkarteari bideratuko diote, eta saldu gabe geratzen diren artikuluak Gurutze Gorriari eta Caritasi emango dizkiete.