Ana Goitia (Lekeitio, 1981) handia da zentzu guztietan, eta kontatzeko modua ere halakoxea dauka; intentsoa. Ohikoak diren gauzetan jarriko du arreta oraingoan, bizitzan gertatzen zaizkion gauza horietan. Musika eta marketing-a, sold out-aren aroa, kontzertuak familian gozatzeko moda, matxismoa edota lodifobia izango ditu hizpide, besteak beste, eta hori guztia umorez jantzita, jakina.
Katana izan da Goitiaren estreinako bakarrizketa, eta lan honekin entzuleak gogoetara bideratu nahi ditu, baina umoretik. Gordin kontatuko ditu egoerak, eta kasu batzuetan ikusleak ere identifikatuta sentituko dira.
- Emanaldia 12:30ean izango da, doan, eta euskaraz. Hilabete morearen egitarauaren barruan antolatu dute ekitaldia.