Korrikaren lekukoa bi aldiz pasatuko da Debabarrenean: martxoaren 25ean, Deban eta Mutrikun barrena eta martxoaren 28an, amaitu bezperan, Elgoibar, Soraluze, Eibar, Ermua eta Mallabia zeharkatuz.
Zapatuan Azkaraten behera etorriko da Korrika eskualdera, eta 19:26ean sartuko da Elgoibarren (Azkarateko tunelaren irteera). Elgoibar gurutzatu ondoren Soraluzerantz hartuko du. 20:36ak aldera ailegatuko da hara, eta Soraluzeri itzulia emanda, berriro ere Maltzaruntz egingo du, Eibarren sartzeko 21:11ak aldera eta 22:00ak izango dira Ermura iristerako. Azkenik, bidean gora egin eta Mallabiatik ere igaroko da lasterketa 22:29ak aldera.
29 lekuko eramale Elgoibarren
Ondo bidean, 19:26an hartuko du Elgoibarrek lekukoa Azkarateko gainean, eta 20:06ak aldera iritsiko da herrigunera, Maalara. Han egingo zaio ongietorria, Mauxitxa txarangarekin.
Elgoibarren lekuakoa hartuko duten eragileak 29 dira, orain bi urte baino bi gehiago:
- LaRoita erronka (Azkarateko tunelaren irteera)
- CATT Morkaiko Trail taldea (Hesia hasten den tokian, 35-36 kilometroen artean)
- Sanlo EKT (Errepideko zubipean)
- Etxepe (Azkaraterantz eskuma aldean dagoen geralekuan)
- Engranajes Grindel (37. kilometroa)
- Danobat Group S. Coop (Larrialdiko bidea, 38. kilometroa)
- Rodisako LABeko sail sindikala (San Antolingo biribilgunea)
- Marcajes Telleria (Argindar zentrala)
- Elgoibarko Gazte Asanblada (San Pedroko trenbideko tunel zaharrean)
- Haritz EDT (Meskita parean)
- Haizea Emakume Taldea (Mataderoko aparkalekua)
- Elgoibarko EAJ (Toletxe eta Iñigez Karkizao lotzen dituen lur azpiko pasabide parean)
- Elgoibarko AEK Euskaltegia (Babes ofizialeko etxeen lehen blokearen parean)
- Aizu Elgoibarko Ostalaritza Elkartea (Gaztelekuaren parean)
- Mauxitxa txaranga (Garitaonaindia farmazia parean)
- Ikastolako langileak (Maalan, Malape parean)
- Ikastolako familiak (San Frantzizko kalean, Kartutxo parean)
- Nuala elkartea (San Frantzisko kalea, Kala lora-denda parean)
- Elgoibar BHI, Meka, Herri Eskola eta IMH (Kalebarren plazan, Gabi parean)
- Kimetz Elkartea (Errosario kalean, Kastrillejo estanko parean)
- Elgoibarko Udala (San Bartolome kalean, Armueta parean)
- Ideko S. Coop. (Kalebarren plazan, Altzolatarren dorretxea parean)
- Danobat S. Coop (Kalegoen plazan, Jai-Alai parean)
- EH Bildu Elgoibar (Santa Ana kalea, Gorbea parean)
- Elgoibarko Izarra Euskaltzaleon Topagunea (Santa Ana kalea, Eroski parean)
- Sua Training Center (Zizilion kalea, burdinezko zubiaren parean)
- Alcorta Forging Group (Olasoko biribilgunean)
- Txankakua Merkatarien Elkartea (Sigman, Eibarrerako autobus geltokian)
- San Lazaro egoitza (Gaindu enpresa parean)
