Toletxeko parkean petankan jokatzeko kantxa egin dute, eta, arduradunek jakinarazi dutenez, herritar ororentzako dago zabalik. Petankan jokatzen hasi nahi duenak probatzera joateko aukera dauka, egunero, 11:00etan eta 18:00etan. Adin guztietako lagunentzako egin dute deialdia, petankaren eta jubilatuen artean egiten den lotura apurtu nahi dute eta. Kirol horretan jokatzeko materiala ere han bertan izango dute eskura; beraz, probatu nahi duenak ez dauka ezer eraman beharrik. Javier Uriarte petankazaleak adierazi duenez, aurrera begira gustatuko litzaieke petanka kluba sortu eta inguruko herrietako taldeen aurka lehiatzea.