Atzo jarri zuten zuhaitza Arriaga auzoan San Antolin jaiei hasiera emateko, eta gaur San Antolin Eguna ospatuko dute. Meza eta prozesioa egin dituzte 11:00etan, eta ondoren, salda eta txorizoa banatu dituzte.
Ospakizun nagusiak, baina, asteburuan iritsiko dira. Auzoko bereizgarri diren txapel eta oliba-hezur jaurtiketekin hasiko dituzte ekintzak barikuan, eta une horretatik aurrera, jai giroa izango da nagusi. Urteroko osagaiekin datoz San Antolin jaiak.
EGITARAUA
IRAILAK 4, BARIKUA
- 18:30 Txapel eta oliba hezur jaurtiketa.
- 20:00 Bertso kalejira.
- 21:00 Bertso afaria Iker Zubeldia eta Julio Sotorekin. Afaritarako tiketak, 30 euro.
- Ondoren, musika, karpa itxi arte.
*Afariko tiketak 619 364 933 eta 690 387 624 zenbakietan enkargatu
ahalko dira eta Kaxeta elkartean jaso.
IRAILAK 5, ZAPATUA
- 16:30 Mus txapelketa, Kaxeta elkartean.
- 17:00 Umeentzako merienda.
- 17:30Tortilla txapelketa.
- 18:00 Jolasak, sariekin. Txinga eroatea, pultso lehiaketa...
- 20:00 Erromeria, Aliritzi taldearekin.
