Elgoibarko mendi bizikleta martxan parte hartu zuten 240 lagunak ibili ziren parajeak ikus daitezke Josu Idiakezek dronearekin hartutako irudiekin ondu duen bideoan. Era berean, bideoa testigantza paregabea da uda bero eta idor honek laga dituen ondorioak txorien ikuspuntutik ikusteko, gorritutako mendietako larreak erakusten baitituzte irudiek.
2015. urtera arte egin zuten Debabarreneko BTT Martxak zuen izpiritua berreskuratu nahi izan du Morkaiko mendi taldeak Elgoibarko I. MTB martxa antolatuz, eta mendi bizikleta zaleek erantzun ona eman diote deiariri, 240 lagunek parte hartu baitzuten aukeran zeuden hiru ibilbideetan.
Hona antolatzaileek ateratako argazkien bilduma: