Ohi duten legez, gau osoan erreko duten txerriarekin egindako pintxoak salduko dituzte Aita Agirre plazan ipiniko duten txosnan, 11:00etatik aurrera.
Era berean, herriko baserrietako produktuen salmenta ere egingo dute Udalak eta Debemenek antolatutako azokan, 09:00etatik 14:00etara Aita Agirren. Eguerditik arratsaldera, ganadu erakusketa egongo da. Artaldeko kideek ere salduko dituzte euren lanak, eta bidezko merkataritzako produktuak saltzeko postua ere egongo da.
