Iosu Rodriguez (Elgoibar, 1990) Fitness Model Pro kategorian lehiatu zen, eta txapeldunorde izan zen. Daniel Noek eskuratu zuen urrezko domina. Era honetako txapelketetan erreferenteetako bat da Noe italiarra, hiru alditan irabazi baitu Mr Universo txapelketa, behin munfddukoa eta birritan Europakoa, besteak beste. Harekin lehiatzea "plazer bat eta ohore bat" dela esan du Rodriguezek, lehiaren maila handitzen duela-eta.
Munduko txapelketa, hil bukaeran
Espainiako txapelketan lortutako emaitzari esker, Munduko Kulturismo Natural Txapelketa (Physique Mania Word Championships) lehiatzeko sailkatzea lortu du Rodriguezek. Iaz ere hartu zuen parte Dubai hirian (Arabiar Emirerri Batuak) jokatu zuten munduko txapelketan, eta bosgarren postua eskuratu zuen. Aurtengoan ez du horren urrun bidaiatu beharrik izango, Salamankan jokatuko baitute urriaren 31tik azaroaren 1era bitartean.
