10:00

19:30

Ongizatearen plaza

10.00-11.30  Osasuntsu zahartu.  Adinberriren eskutik, goizero ETBn egiten den programa berezia: Iñigo Vicens prestatzaile fisikoarekin kirol saio irekia, eta jarraian, mindfulness terapia Raquel Rodríguezekin eta estimulazio kognitiborako tailerra Naia Ros-ekin.   11:30-13.00  Elikadura osasuntsua. Jakoba Errekondo agroekologian adituak elikadura arduratsu eta jasangarriaren gakoak izango ditu hizpide, Gaztenek programako hiru nekazari gazterekin batera. Solasaldi ireki honetan, belaunaldi berrien esperientziak, erronkak eta etorkizuneko nekazaritzaren inguruko ikuspegiak partekatuko dituzte.   17.30-18.30  Euskara, integrazioa, elkarbizitza. Herrira iritsi berrien eta bertakoen begiradak elkartuko ditugu, hizkuntza, nortasuna eta integrazioa ardatz hartuta. Euskara sustatu, ikasi, erabili eta partekatzeko esperientzietatik abiatuta, herri berri batean sustraiak egiteko prozesuaz, elkarbizitzaz, oztopoez eta aukerez hitz egingo dugu.   18.30-19:30  Barreterapia Tailerra. Barrearen eta umorearen bidez ongizate emozionala lantzeko tailer dinamikoa Idoia Torregarai umoregilearen eskutik. Ariketa praktiko eta parte-hartzaileen bitartez, estresa askatu, harremanak indartu eta egunerokoari ikuspegi positiboagoz aurre egiteko tresnak eskainiko dira.

19:00

Isiltasunaren eskola

Isiltasunaren eskolakoen topaketa. Jose Cruz Igartuak emango du, Kultur Etxean. 

10:00

20:00

Ongizatearen plaza

10.00-11.30 Gazteen ongizatea. Sare-sozialekiko adikzioa, gaitasun sozialen galera, suizidioaren hautua.. hiperkonexioaren eraginak dira soilik? Gazteak izango dira euren ongizatean eragina duten faktore desberdinak azaleratu eta eztabaidatuko dituztenak.   11.30-13:00 Industriaren herria aldatzen ari da: lan mundua eta ongizatea.  Makina-erremintak Elgoibarren historia, ekonomia eta herri izaera markatu ditu. Sektoreko langile, enpresa, ekintzaile eta prestakuntza munduko herritarrekin batera, industriak herriari zer ekarri dion, lan munduaren bilakaerak ongizatean izan duen eragina eta etorkizunera begira dituen erronkak aztertuko ditugu.   17:30-18:30 Pantailen aroan, erabilera osasuntsua. Haurren ongizate emozionalean, sozialean zein fisikoan duten eraginagatik, mugikorren eta teknologia digitalen erabilera arduratsua eta osasungarria bultzatzeko saio dinamikoa Altxa Burua elkartearekin. Bereziki gurasoei bideratutako saioa. 18.30-19:30 Sorkuntzak nola lagundu dezake gure ongizatean. Sorkuntza adierazteko, emozioak lantzeko eta gure buruarekin zein ingurukoekin konektatzeko tresna ere bada. Diziplina eta ibilbide desberdinetako sortzaileekin batera, sortzeak ongizatean duen eraginaz, sormen-prozesuez eta arteak eguneroko bizitzan eskaintzen dizkigun aukerez solastuko gara.   19.30-20:00 Elgoibarko zaporeekin amaiera alaia. Jardunaldia giro atsegin eta partekatuan amaitzeko, Elgoibarko Mausitxa gaztaren dastaketa egingo dugu, Lizagasar sagardoarekin lagunduta. Bertako zaporeez gozatu, solasean jarraitu eta elkarrekin topaketari amaiera alaia emateko unea izango da.

16:30

Odol ateratzea

Odol ateratzek egingo dituzte Elgoibarko Jubilatuen Biltokian.  Txanda hartzeko: gotatanta.eus  Watsapez: 623 328 408 

18:30

Erakusketa: Anarene

Ongarrik antolatuta, Mikel Bastidaren erakusketa. Hilaren 11tik 26ra arte, Kultur Etxean.  Astelehenetik zapatura, 18:30etik 20:30era. Domeketan, itxita.