Txupinazoarekin eta txarangen kalejirarekin hasi dituzte Santixauak ermuarrek

Hamar eguneko jai egitarauaren ostean, gaur hasi dituzte ofizialki Santixauak Ermuan; Pololaren dantzarekin, Irulitxaren doinuekin eta triatloiko munduko txapelduna den Miguel Ledesma ermuarrak botatako txupinazoarekin. Ondoren, txarangen ibilbideari ekin diote, batukadaren erritmora eta ardoarekin zein balkoietatik botatako urarekin mela-mela bukatuz.