Hasieran etxebizitza honek bi solairu bakarrik zeuzkan, eta urte ugari egon zen horrela. Gerora gehitu zizkioten etxebizitzari gainontzeko solairuak. Etxebizitza honen azpiko lokaletan Elgoibarko tailer mekaniko batzuk zeuden. Argazkiaren eskuin aldean Etxe-Zuri etxea ageri zaigu, ezkerraldean berriz, almazen lokal bat eta Toletxe baserria ikus ditzakegu. Aipatu beharra dago, bestalde, argazkian ageri zaigun etxebizitza hau izan zela Toletxe kaleko lehenengo etxebizitza.